Елордада алғаш рет «Nur Astana open talk» жобасы аясында «Бірлігіміз жарасқан» атты жамағат форумы өтті.

Бүгін астаналық мұсылман жамағаты спорттық сайыста күш сынасты. Дәстүрлі «Салауатты жамағат» V қалалық спорттық ойында жарысына қаладағы сегіз мешіт қатысты. Салауатты өмір салтын ұстану – саналы қоғамның таңдауы. Сайыстың мақсаты – жамағат арасындағы бірлікті, бауырмашылықты, салауатты өмір салтын ұстануды насихаттау.

«Жақсылық жаса!» қайырымдылық акциясы аясында «Зекет» корпоративтік қорының Астана қаласы өкілдігі тағдыр тауқыметін тартқан аналарға құрмет көрсетті.

Деструктивті діни ағымдарды алдын алудың заманауи әдістері. Осы тақырыппен бүгін Астанада елордалық имамдардың біліктілігін арттыруға арналған семинар-тренинг өтті.

Тығырықтан шығу жолдары. Дәл осы атаумен бүгін «Нұр Астана» орталық мешітінің әйелдер жамағатына психологиялық тренинг өткізілді.

Бүгін Жұма намазынан кейін «Нұр Астана» орталық мешітінің әйелдер жамағатына діни радикализм мен экстремизмнің әсеріне қарсы иммунитет қалыптастыруға  бағытталған кездесу ұйымдастырылды.  

Бүгін ҚМДБ наиб мүфтиі, Астана қаласының бас имамы Наурызбай қажы Тағанұлының төрағалығымен «Нұр Астана» орталық мешітіндегі алқа мүшелерінің жиналысы өтті.  

Бүгін «Нұр Астана» орталық мешітінде дәстүрлі «Мейірімділік мекені» қайырымдылық акциясы өтті. Аталған шараға қаламыздан әлеуметтік жағынан аз қамтылған және көп балалы 100 отбасы шақырылып, әрқайсысына азық-түлік салынған қораптар таратылды.

Алты алаштың арманы болған тәуелсіздікті тұғырына қондырып, жиырма алты жыл мығым ұстаған Қазақстанның болашаққа бағытталған нақты  жоспары мен мақсат-мұраты Елбасымыздың «Болашаққа бағдар: рухани жаңғыру» атты мақаласынан кезекті рет айқын көрініс тапты.

Қайырымдылық шараларының қара шаңырағына айналған «Нұр Астана» орталық мешіті бүгін Ақмола облысына қарасты Малотимофеевка ауылындағы қарттар мен мүгедектерге арналған үйге арнайы барып, қарттарға құрмет көрсетті. ҚМДБ-ның наиб мүфтиі,  «Нұр Астана» орталық мешітінің бас имамы Наурызбай қажы Тағанұлының бастамасымен болған қайырымдылық шарада мешіт қызметкерлерінің мұндағы аяулы жандарға ала келген сый-сияпаттары аз емес еді.