Астанада қасиетті Рамазан айы құрметіне игі істер легі жалғасын табуда. Корпоративтік "Зекет" қорының Астана қаласы өкілдігі елордамыздың Ана мен бала ұлттық ғылыми орталығында онкологиялық дертке шалдығып, ем қабылдап жатқан балаларға барып, көңілдеріне қуаныш сыйлады.

Кеше кезекті тарауих намазынан кейін «Нұр Астана» орталық мешітінде Қазақстан мұсылмандары діни басқармасы Шариғат және пәтуа бөлімі меңгерушісінің орынбасары Сансызбай Құрбанұлы Шоқанов уағыз айтты.

Кеше «Нұр Астана» орталық мешітінде қасиетті жұма намазына жиылған көпшілік алдында белгілі исламтанушы, Мысырдағы әйгілі «әл-Әзһар» университетінің түлегі, орталық мешіттің наиб имамы Қабылбек Әліпбайұлын басқа қызметке ауысуына байланысты шығарып салу рәсімі өтті.

Қасиетті Рамазан айында игі істерге асығушылар қатары көбейіп келеді. Жеке азаматтардан бастап ірі компанияларға дейін қадір-қасиеті биік, сауабы мол айда жетім балалар мен мұқтаждарға көмек көрсетіп, демеушілік жасауды қолға алды.

Рамазан бүгінде республика халқының бұқара болып қарсы алып, жоғары деңгейде атап өтетін ардақты айы.

Бүгін әлем мұсылмандары қасиетті Рамазан айының алғашқы күнін өткізіп, ауыз ашуда.  «Нұр Астана» мешітінде жылдағы үрдіспен бір Алланың ризалығы үшін ораза ұстаған жамағатқа ауызашар дастарханы жайылды.

Бүгін Астана қаласының барлық мешіттерінде қасиетті Рамазан айының тарауих намаздары басталды.

Сансыз сауапқа есік ашылар Ораза айының өзіне тән құлшылық-ғибадаттары бар. Солардың бірі – жиырма ракағаттан тұратын тарауих намазы. Айтулы айдың айрықша ғибадатына жиылған жұртшылық жылдағыдан да еселене түскен. Мешітке келгенн ізгі ниетті жамағатты ҚМДБ наиб мүфтиі, «Нұр Астана» орталық мешітінің бас имамы Наурызбай қажы Тағанұлы қасиетті Рамазан айымен құттықтап, тарауих намазын өтетін қариларды таныстырды. «Қадірлі мұсылман қауым. Айлардың сұлтаны Рамазан баршаларыңызға құтты һәм берекелі болсын. Аллаға сансыз шүкір дейміз, еліміздегі бейбіт те берекелі уақытта қасиетті аймен қайта қауышып отырмыз. Мешіттеріміз халықтың қызметіне қалтқысыз дайындық жасады. Асыл дініміздің бес парызының бірі – ораза, қасиетті Рамазан Алла Тағаланың алдында айрықша құрметке ие ай. Осынау мүбәрак айды барынша құлшылық-ғибадатпен, дұға-тілекпен лайықты өткізуге күш салайық. Бірлігімізді нығайтып, иманымызды шыңдап, Рамазан айының оразасын асқан ыждахатпен ұстап, өткізуімізді Алла нәсіп еткей» деді наиб мүфти.

«Нұр Астана» орталық мешітінде тарауих намазын елімізге белгілі үш қари өткізеді. Египет Араб Республикасындағы әл-Әзхар университетінің түлегі, аталмыш оқу орнына қарасты институттың директоры, бүгінде «Астана» медресесінің ұстазы Саиид Мухаммад Ахмад, Қауамаддин әл-Фараби әт-Түркістани әл-Итқани атындағы республикалық қарилар дайындау орталығының түлегі Мұртаза Ертайұлы және Шымкент қаласындағы «Дәрул-Арқам» қарилар медресесінің түлегі, 2016 жылы Түркия республикасының Стамбул қаласында өткен «Әлемдік қарилар жарысының» 2-ші орын жүлдегері Шохан Нұралыұлы Рамазан айында орталық мешіт жамағатына тарауих намазында имамдыққа шығады.

Ал тарауихтан тараған мешіт жамағатын үйлеріне жеткізу мақсатында қала әкімдігінің қолдауымен бірнеше бағыттарда қатынайтын қоғамдық көліктер қарастырылған.

«Нұр Астана» орталық

мешітінің баспасөз қызметі

Сәкен Сейфуллин атындағы қазақ агро-техникалық университетінде «Ұлттық салт-дәстүр және бүгінгі қоғам» және «Отбасы тәрбие бастауы» тақырыбында кездесу өтті.

Бүгін Астана қаласы әкімдігінің медиа орталығында қасиетті Рамазан айының басталуына орай баспасөз мәслихаты өтті.

Астана қаласындағы мектептерді тәмамдап жатқан 11-сынып оқушылары мешітте бас қосты. Имамның уағыз-өсиетін тыңдады, ақсақалдан бата алды. Жыл сайын дәстүрлі ұйымдастырылатын кездесудің жастарға берері мол. Балалық шақтан үлкен өмірге аяқ басқан жеткіншектер осы уақытта рухани және психологиялық қолдауды көп қажет етеді. «Олар сынаққа іштей дайын болса, жоғары нәтиже көрсетуге де мүмкіндіктері болады», дейді ұйымдастырушылар.

Оңғар АЛПЫСБАЙҰЛЫ
http://kaztrk.kz