15 желтоқсан күні ҚМДБ-ның Халал стандарты бойынша Астана қаласындағыөкілі, «Нұр Астана» орталық мешітінің наиб имамы Асхат Сәлимов Елордадағы «Мумтаз» халал мейрамханасының басшылығымен кездесіп, халал стандартына сай жұмыстарымен танысты.

Бүгін Қазақстан мұсылмандары діни басқармасының наиб мүфтиі Наурызбай қажы Тағанұлы Тәуелсіздік мерекесіне орай «Астана» медресесі шәкірттерімен жүздесті.

Бүгін Қазақстан мұсылмандары діни басқармасы тарапынан әзірленген «Жұма уағызы» әдістемелік кітабының тұсаукесер рәсімі өтті. Елорда имамдарының жылдық қорытынды есебіне арналған жиын барысында елеулі еңбектің мән-маңызы туралы ҚМДБ Уағыз-насихат бөлімінің меңгерушісі Ершат Оңғаров айтып берді.

Елорда имамдарының жылдық есеп беру жиынында Қазақстан мұсылмандары діни басқармасының 2020 жылға дейінгі білім беруді дамыту Тұжырымдамасы талқыланды. ҚМДБ Оқу-ағарту бөлімінің меңгерушісі Бақтыбай Бейсенбаев діни білім беру саласын бірізділікке бағыттайтын тұжырымдаманың мақсат-міндеттері жайында баяндап берді.

Бүгін елорда имамдарының жылдық қорытынды жиынында Мемлекет басшысы Нұрсұлтан Назарбаевтың биылғы халыққа Жолдауы талқыланды. Кең ауқымда өткен басқосуға ҚМДБ наиб мүфтиі Наурызбай қажы Тағанұлы, Уағыз-насихат бөлімінің меңгерушісі Ершат Оңғаров, Оқу-ағарту бөлімінің меңгерушісі Бақтыбай Бейсенбаев және мешіт имамдары, бірқатар БАҚ өкілдері қатысты.

Бүгін «Тілеп-Қобыз» сарайында Астана имамдарының жылдық қорытынды жиналысы өтті. Отырыста осы жылдың жемісті жетістіктері мен жіберілген кемшіліктері сарапқа салынып, келер жылда атқарылуы тиіс ауқымды істер жобасы пысықталып, талқыланды. Қаладағы 8 мешіттің бас имамы еңсерілген игі істерді тізбектеп, ҚМДБ наиб мүфтиі, Астана қаласының өкіл имамы Наурызбай қажы Тағанұлына баяндап берді.

Кеше Астана мешіттерінің шаруашылық меңгерушілерінің басқосуы өтті. Жиын барысында «Нұр Астана» орталық мешітінің іс басқарушысы Ибраһим Сматаев шаруашылық меңгерушілерінің бүгінгі күнге дейінгі атқарған іс-шараларымен танысты. Мұнан кейін алдағы уақытта жіті көңіл бөлінуі тиіс төмендегідей үш мәселеге тоқталып, міндеттемелердің уақтылы орындалуын тапсырды.

«Газет – халықтың көзі, құлағы һәм тілі». Рухани қара шаңырақ – Қазақстан мұсылмандары діни басқармасының «Ислам және Өркениет» газеті мен «Иман» журналы бүгінде ел мұсылмандарының сүйікті басылымына айналды. Елдің мұңын мұңдап, жоғын жоқтап, рухани жаңалықтың жаршысы болған қос басылымның астаналық оқырмандарын онан әрі арттыру үшін ҚМДБ-ның наиб мүфтиі, «Нұр Астана» орталық мешітінің бас имамы Наурызбай қажы Тағанұлының бастамасымен жуырда жамағат арасында «Газет пен журналға жазыл да, қажылыққа тегін бар!» атты бәйге жарияланған-ды.

Бүгін елорданың «Динамо» спорт кешенінде "Әс-Сәлам" мешітінің бас имамы Нұрбол Әбсаттарұлының ұйымдастыруымен мешіт жамағаттары арасында «Теңбіл доп» футбол турнирі өтті. 

Қазақстан мұсылмандары діни басқармасы «Зекет қорының» Астанадағы өкілдігі үшін биылғы жыл жемісті болды. Табысты өткен жыл қорытындысын бүгін ҚМДБ наиб мүфтиі Наурызбай қажы Тағанұлы қор өкілінің өз аузынан естіп, ұжымның жұмысын көзбен көріп қайтты.