Астаналық оқырмандарды «Ислам және Өркениет» газеті мен «Иман» журналына 2016 жылға жазылу арқылы бәйгеге қатысуға шақырамыз!

Бәйгеге «Ислам және Өркениет» газеті мен «Иман» журналына бір жылға жазылған тек қана астаналық оқырмандар ғана қатыса алады. Астана тұрғындары үшін «Иман» журналына бір жылға мешіт  арқылы  жазылу бағасы – 2640 тенгені ал, «Ислам және Өркениет» газетіне – 1500 теңгені құрайды. Пошта арқылы «Иман» журналына бір жылға жазылу бағасы – 3084 тенге 12 тиын ал, «Ислам және Өркениет» газетіне – 1915 теңге 77 тиын. 

Бүгін елорданың №61 орта мектебінде «Нұр Отан» халықтық демократиялық партиясы «Жас Отан» жастар қанаты мен «Нұр Астана» орталық мешітінің ұйымдастыруымен мектеп оқушыларына арналған шара өтті. Жиынға 8-11 сыныптың 400-ге жуық оқушы қатысты.

Бүгін ҚМДБ-ның наиб мүфтиі, «Нұр Астана» орталық мешітінің бас имамы Наурызбай қажы Тағанұлы қала имамдарына жиналыс өткізді. Басқосуда Бас мүфти тапсырмаларының орындалу барысы пысықталды. Сондай-ақ, наиб мүфти имамдарға нақты 4 бағыт бойынша жұмысты жандандыруды тапсырды.

Астана қаласындағы «Әс-Сәлам» мешіті құрбан айт күндері «Раббың үшін құрбан шал!» қайырымдылық акциясына үлестерін қосты.

Қазақстан мұсылмандары діни басқармасының төрағасы, Бас мүфти Ержан қажы Малғажыұлы келгелі ел руханиятында жаңа серпіліс басталып, біршама игі істер жалғасын табуда. Хақ пен халық алдында жауапкершілікті сезінген Бас мүфти қызметінің алғашқы сәтінен-ақ өңір имамдарына әрдайым бұқарамен бірге болуды және әрбір діни мейрамда халықпен тығыз қарым-қатынас жасауды қолға алып, өз назарында ұстап келеді.

Астана қаласында Құрбан айт күндері қала мешіттерінің қызметкерлері мұсылман қауымына барынша жоғары деңгейде қызмет етуге тырысып бақты. Мешіттерде дайындық жұмыстары пысықталды. Құрбандық шалушыларға ақпараттық-танымдық насихаттар жүргізіліп, 10500 данамен парақшалар таратылды.

ҚМДБ-ның Астана қаласы өкілдігінің ұйымдастыруымен Құрбан айт мейрамы елордалық тұрғындар мен қала қонақтары үшін сән-салтанатымен аталып, бұқаралық сипатта кең көлемді өткізілді. Бұл мейрам мәдени-спорттық шаралармен қатар қайырымдылық жұмысымен де елдің есінде қалды.

Халықтың ең ұлық мерекелерінің бірі Құрбан айт ел ішіндегі бауырластық пен ауызбірлікті арттыра түседі. Шамасы жеткен әрбір иманды жан бұл күндері құрбанын шалып, айт қуанышын ағайын-бауыр, жақындарымен бөліседі. Бір сөзбен айтқанда, Құрбан айт – ағайынның арасын жақындатып, татулығын арттыратын мұсылмандық мереке.

Астана қаласының мешіттері жылдағы үрдіс бойынша биылғы ұлық мереке күндер ішінде «Раббың үшін құрбан шал!» қайырымдылық акциясын өткізуде. Аталған қайырымдылық шара айттың алғашқы күні қала іргесіндегі «Алтын таға» мал базарында ұйымдастырылды.

Елорданың айшықты құлшылық орны «Нұр Астана» орталық мешітінде Астана уақытымен сағат 7:45-де айт намазы оқылды. Мүбәрак мерекедегі мінәжатқа жиылған халықтың санында есеп болмады.