Ризық − барлық жандылардың өмір сүрулері үшін алатыны және ішіп-жейтіндері.
Ризықты беретін Алла Тағала. Аят-кәримада: «Жер бетінде өрмелеген нәрсенің барлығының ризық-несібесі Алланың мойнында. Ол олардың тұрар жерлерін де, баратын жерлерін де біледі. Барлық нәрсе Кітапта ашық түрде бар» («Һұд» сүресі, 6-аят).
Пайғамбарымыз (с.а.у.) «Адамдардың әр қайсысы ризықтарын бітірмегенше өлмейді» деген (Ибн Мәжә).
Сонымен бірге адам жұмыс істеп, күш салып әрекеттеніп, ризығын табуы керек. Адам ризығын халалдан қаласа халадан, харамнан қаласа харамнан беріледі. Бірақ Алла харамға разы болмайды.
Пайғамбарымыз (с.а.у.): «Алладан қорқыңдар және ризықтарыңды адал жолдардан іздеңдер» - деп бұйрады (Ибн Мәжә).
Алла Тағала қалағанына мол ризық, қалағанына аз ризық береді және таршылықпен сынайды. Мүмин, кеңшілікте шүкір айтып, таршылықта сабыр етеді.
материал «Иман негіздері» кітабынан алынды,
ummet.kz
