Бүгін елордада Бас мүфти Наурызбай қажы Тағанұлының төрағалығымен қасиетті Рамазан айын қорытындылауға арналған Қазақстан мұсылмандары діни басқармасының Төралқа мәжілісі өтті.
«Алланың қалауымен қасиетті Рамазан айын аман-есен аяқтап, ұлық мереке – Ораза айт мерекесін жоғары деңгейде өткіздік. Бұл ай – берекенің, сабыр мен шүкірдің, құлшылық пен қайырымдылықтың айы. Қазақстан мұсылмандары діни басқармасы Рамазан айында халыққа рухани және әлеуметтік тұрғыдан қолдау көрсету үшін бірқатар маңызды жұмыстар атқарды» деп атап өтті ҚМДБ Төрағасы.
Жиналыс барысында бөлім меңгерушілері бес бағыт бойынша Рамазан айында өкілдіктерде атқарылған іс-шаралардың есептік баяндамасын жасады.
Бөлісу:
