Уа, құлшылық сапарында оразаға дос болған жан! Сапарың сәтті болсын!
Мен айды көрейін деп тамның төбесіне шықтым. Өйткені шын көңіліммен оразаны қатты сағынып едім. Оны қатты күтудемін. ⠀
Адамның намаз оқуға көңілі аууы, ауыз бекітуі – пендені Хақтың өзіне жақындатуының белгісі. Кімде кім сау жүзін сарғайтса, оразаның жібек киімін киеді. Құстардың қанат қағуы періштелердің қанат қағуымен салыстыруға келе ме?
Құстар жем үшін ұшады, періштелер болса оразаға қарай қанат қағады. Шайтанның бүкіл айла-шарғысы, оқтары оразаның қалқанына тигенде быт-шыты шығады. Отыз күн бойы Рамазан теңізінде әрлі-берлі жүз. Соңында оразаның інжуіне қолың жетеді. Кейбір қиындықтары кезіксе де, оразаның мың бір түрлі игілігі бар. Оразаға деген сағыныш мүлдем бөлек...
Рамазан айында ішіп-жеуге, тамаққа, жаман сөз сөйлемеуге сабыр сақтағандықтан, осы сабыр сенің рухани түсінігіңді молайтады. Көкірек көзіңді ашады.
материал Мәулана Румидың «Піл туралы талас» кітабынан алынды,
ummet.kz
