Исламға дейінгі бейнесін өткен мақаламызда айтқан болатынбыз. Ислам қабылдағаннан кейін қандай болғандығы жөнінде сөз қозғайық.
Зайд әл-Хайрға Пайғамбарымыз ﷺ туралы хабар жеткенде асықпай танысып, ой елегінен өткізді.
Өз руластарының басты-басты билерін жинап, Алла елшісіﷺбетке алды. Мәдинаға келіп, сәйгүліктерін мешіттің қасына байлап, хазіреті Пайғамбарымызға бет түзеді. Осы кезде Алла елшісі ﷺмінберде уағыз айтып тұр еді. Олардың келгендерін байқаған Алла елшісіﷺ: «Мен сендер үшін әл-Узза және басқа да табынып жүргендеріңнен артықпын... Алла сендердің табынып жүрген қара түйелеріңнен артық»,-деді.
Алла елшісі ﷺуағызын бітіргенде Зайд әл-Хайл орнынна тұрып зор дауысымен: «Уа, Мұхаммед, мен Алладан басқа тәңір жоқтығына және сенің Алланың елшісі екендігіне куәлік беремін»,-деп тіл қатты.
Алла Елшісі ﷺоған жақындап келіп:
- Сен кім едің?-деп сұрады.
- Мен Мұхалхалұлы Зайд әл-Хайлмын, -деді ол.
Алла Елшісі оған:
- Сен енді Зайд әл-Хайл емес, Зайд әл-Хайрсың. Сені далаңнан мұнда, Исламға жүрегіңді ашып жіберген Аллаға көптеген мақтаулар болсын.
- Иа, Зайд, сенің Аллаға және Оның Елшісіне ﷺсүйікті көрінетін екі артықшылығың бар деді.
- Уа, Алланың Елшіс ﷺ,ол қандай артықшылықтар?-деді.
- Сабырлылық және парасаттылық, - деп жауап берді Пайғамбарымызﷺ.
- Уа, Алланың Елшісі ﷺмаған жүз атты әскер берсеңіз, Византиялықтарға қарсы соғысар едім, оларға ойсырата соққы беруге уәде берер едім, - деді.
Зайдтың бұл сөзі хазіреті Пайғамбарымздың ﷺ сенімін ұялатты. Оған қарап:
-Сен қандай жақсы адам едің Зайд! Нағыз ер екенсің!-деп ризалығын білдірді.
Пайғамбарымыз ﷺоны еліне қимастықпен шығарып салып тұрып:
- Бұл не деген жақсы адам!? Егер де Мәдинаны жайлаған обадан сақтана алса, біз үшін оның пайдасы зор болар еді!-деді.
- Надандық дәуірінде көптеген ақымақтық жасадық, енді Аллаға ант етемін, онымен жолыққанға дейін мұсыламдарға қол тигізбеймін,-деді Зайд.
Безгек ауыруы жұғып, ажалы жетіп, туған жеріне жақын қалғанда Зайд ибн Хайр қайтыс болады. Ол Исламды қабылдаған соң ақырғы сәтіне дейін бірде –бір күнәлі іске бармаған.
«ummet.kz» рухани – ақпараттық порталы.
