Азық ретінде жеуге дағдыланбаған нәрселерді ішіп-жеу. Мысалы, тас, топырақ, піспеген күріш, шикі қамыр, ұн секілді нәрселерді жеу;
- Әлі іші толмаған жаңғақ пен кепкен пістені қабығымен жұтып жіберу. Бұлар әдетте азықтану үшін қолданылмайтын заттар болғандықтан, тек қазасы өтеледі, кәффарат қажет емес.
- Артқы жыныс мүшесіне свеча қою, әрі дәрі ағызу;
- Мұрынға дәрі тамызу;
- Тамаққа май құйғышпен сұйықтық өткізу;
- Бастағы немесе қарындағы жараға жағылған дәрінің денеге (асқазан мен миға) енуі;
- Жаңбыр, қар мен бұршақты байқаусызда жұту;
- Дәрет алу барысында мұрын мен тамағын шайғанда байқаусызда кеңсіріктен судың өтіп кетуі;
- Өз қалауымен, біле тұра мұрнымен немесе аузымен түтін жұту;
- Рамазан айында күш көрсетіп зорлау, өлтіретіндей етіп тепкіге жығу, бір ағзаны кесіп алу секілді жолдармен қорқытып жыныстық қатынас жасауға мәжбүрлену; Алайда жеңіл-желпі ғана ұрып-соғу немесе қамап қою арқылы жасалған қысым нәтижесінде оразасын бұзғандарға әрі қаза, әрі кәффарат қажет.
- Ұйықтап жатқан адамның аузына су құйып жіберген жағдайда оразасы бұзылады, қазасын өтеуі қажет. Сол секілді әйел кісі ораза уақытында ұйқы халінде жыныстық қатынас жасалған болса, әйел қазасын өтейді.
- Ораза екенін ұмытып тамақ жеп қойған адамның оразам бұзылды деп ойлап тамақ ішуі;
- Тістерінің арасында қалып кеткен ноқаттай нәрсені жеу;
- Өз қалауымен құсу (мейлі ауыз толтыра құссын мейлі ауыз толтырмасын);
- Алла елшісі (саллаллаһу аләйһи уә сәлләм): «Кімде-кім құсатын болса, оразаның қазасын өтеуі қажет емес. Алайда өз қалауымен құсса, оразасын қаза етуі қажет», – деген.
- Ауыз толтыратындай мөлшерде еріксіз келген қақырықты жұту;
- Сәресі уақыты өтіп кеткенін білмей тамақ жеп қою;
- Күн батты деп уақыт кірмей тұрып ішіп-жеу;
- Әйелін сүю, құшақтау нәтижесінде әйел мен еркектен мәнидің келуі;
- Рамазан айында ораза ұстауға ниет етпей тамақ ішіп-жеу. Бірақ жоғарыда да ескерткеніміздей, себепсізден-себепсіз ораза ұстамау үлкен күнә. Сондықтан ондай адамдарға тәубе жасау қажет болады.
- Қан жұту. Ауыздағы қанның көлемі түкіріктен көп болса ораза бұзылады;
- (Мастурбация-истимна) Қолмен (мәни) ұрық шығару.
материал «Ораза – теңдессіз құлшылық» кітабынан алынды,
ummet.kz
Бөлісу:
