Біріншіден: ер әрі азат[1] адам намазын жамағатпен оқуына кедергі болмаған жағдайда, бес уақыт намазын жамағатпен оқуы – сүннәт муәккәда. Бұл үкім уәжіпке жақын. Кейбір ғалымдар намазды жамағатпен оқуды уәжіпке жатқызса, Имам Тахауи жамағат намазын парыз кифая[2] деген.[3]
Екіншіден: жоғарыда айтылғандай тарауих намазын жамағатпен оқу – сүннәт кифая.[4]
Үшіншіден: Рамазан айында оразаның құрметіне үтір намазын жамағатпен оқу – мустахаб. Сонымен қатар, «кусуф намазын»[5] жамағатпен оқу да мустахабқа жатады.[6]
Төртіншіден: әйелдер жамағат болып, бірі имамдыққа өтіп намаз оқуы – мәкрүһ.[7]
Бесіншіден: жұма және екі айт намазын жамағатпен оқу – намаз дұрыс болудың шарттарына жатады.[8] Яғни, жамағатсыз оқылған жұма және айт намазы намаз емес.
Абдуссамад Махат
«Нұр Астана» мешітінің наиб имамы
[1]яғни, құлдықта болмаған.
[2] парыз кифая – мұсылмандардың бір бөлігі орындаумен міндеттілігі басқалардың мойынынан түсетін амал. Мысалы, жаназа намазы.
[3]«Әл-фиқһу ъаләл-мазаһибил-арбаға», «Фиқһүл-ъибадат ъаләл-мазһабил-ханафи».
[4]«Фиқһүл-ъибадат ъаләл-мазһабил-ханафи».
[5]кусуф намазы – күн немесе ай тұтылғанда оқылатын намаз.
[6]«Фиқһүл-ъибадат ъаләл-мазһабил-ханафи».
[7]Бұл да сонда.
[8]Бұл да сонда.
