21 сәуір. АСТАНА. Ummet.kz – Бүгінгі «Астана – таза және қауіпсіз қала» экологиялық науқаны аясындағы дәстүрлі сенбілікке «Нұр Астана» орталық мешітінің ұжымы да белсенді түрде атсалысуда деп хабарлайды Ummet.kz тілшісі.
Таңертеңнен бастау алған сенбілікке Бас имам Асқар Әбітайұлы бастаған мешіт ұжымымен қатар мешіт жамағаты да қатысуда. Сонымен бірге орталық мешітке қарасты «Жібек» қыз-келіншектер клубының мүшелері, «Ислам» діни сауат ашу орталығы және «Астана» медресесінің шәкірттері мен ұстаздары да мешіттің айналасын тазалауда өз үлестерін қосты.
Жалпы қалалық сенбілікке Астана қаласының өкілдігіне қарасты барлық мешіттер түгел шығып, өз территориясын тазалады. Атап айтар болсақ, Шейх Кунта қажы, С.Ғылмани, Әс-Салям, Әлжан Ана, Төлебай, Әл-Ғани мешіттерінің ұжымы мен жамағаты толық атсалысты.
«Нұр Астана» орталық мешітінің баспасөз қызметі
