Ораза дұрыс болудың екінші шартына оразаны бұзатын нәрселердің болмауы жатады.
Оразаны мына нәрселер бұзады. Тәуліктің ауыз бекітетін бөлігінде[1] ораза екенін біле тұра:[2]
1. Ішіп-жеу;[3]
2. Жыныстық жақындықта болу немесе шәһует нәпсінің қозуымен[4] күштеп атылып шықса;[5]
3. Дәрі ішу;
4. Бұршақ көлеміндей бір нәрсе жұту;
5. Ауыздан шыққан түкірікті жұту;
6. Әйел хайз,[6] нифас[7] жағдайында болуы;
7. Жаңбыр тамшысын, не қарды жұту;
8. Ауыз толы құсықты жұту.[8]
Абдуссамад Махат
«Нұр Астана» мешітінің наиб имамы
[1]яғни, таң атқаннан күн батқанға дейінгі аралықта.
[2]яғни, қасақана.
[3]«Фиқһүл-ъибадат ъаләл-мазһабил-ханафи», «Мурақил-Фалләх» шарху «Нурил-Идах», «Әл-фиқһу ъаләл-мазаһибил-арбаъа».
[4]нәпсіні қоздыруға мысалы, онанизм жатады. Шариғат бойынша нәпсіні қоздыру – харам. Себебі, бұл жағымсыз қылықтың нәтижесінде денсаулық нашарлап, ахлақ, яғни мінез-құлық бұзылады. («Әл-фиқһу ъаләл-мазаһибил-арбаъа»)
[5]«Фиқһүл-ъибадат ъаләл-мазһабил-ханафи», «Мурақил-Фалләх» шарху «Нурил-Идах», «Әл-фиқһу ъаләл-мазаһибил-арбаъа».
[6]хайз - әйелдердің ай сайынғы етеккірі.
[7]нифас - әйел босанғаннан кейін келетін етеккірі.
[8]«Әл-Фиқһ».
