1. Иғтикәфқа ниеттену.[1]Расулуллаһ (солләл-лаһу ъаләй-һи уә салләм) ниеттің маңыздылығына қатысты: «Расында амалдар ниетке қарай ескерiлiп, әрбiр адамға ниетiне қарай берiледi»,-деген.[2] Иғтикәф ететін адам иғтикәфтың түрін нақты, яғни уәжіп болса: «Уәжіп иғтикәфты өтеуді ниет еттім»,-деп ниеттенуі тиіс.[3]
2. Мешітте болу.[4]Бұл мәселеге қатысты Хақ Тағала: «Мешітте иғтикәфта болған кезде әйелдеріңмен қосылмаңдар»,-деген.[5]
Имам Әбу Ханифаның (рохматул-лаһи ъаләйһи) пікірінше, иғтикәф етілетін мешітте бес уақыт намаз оқылуы – шарт.[6] Имам Мухаммад (рохматул-лаһи ъаләйһи) және Имам Әбу Юсуфтың (рохматул-лаһи ъаләйһи) пікірінше, мешітте бес уақыт намаз оқылмаса да, мешіт шариғат талаптарына сай болғаны жеткілікті.[7]
3. Ауыз бекіту. Бұл шарт уәжіп иғтикәфқа қатысты. Себебі, нәфіл иғтикәфта ораза ұстау шарт емес.[8]
Абдуссамад Махат
«Нұр Астана» мешітінің наиб имамы
[1]«Фиқһүл-ъибадат ъаләл-мазһабил-ханафи», «Әл-фиқһу ъаләл-мазаһибил-арбаға».
[2]«Сахихүл-Бухари».
[3]«Фиқһүл-ъибадат ъаләл-мазһабил-ханафи».
[4]Бұл да сонда.
[5]«Бақара» сүресі, 187 аят.
[6]«Фиқһүл-ъибадат ъаләл-мазһабил-ханафи».
[7]«Фадаил-аъмәл».
[8]«Фиқһүл-ъибадат ъаләл-мазһабил-ханафи».
