18 тамыз. АСТАНА. Ummet.kz – «Нұр Астана» орталық мешітінің азаншысы Хадиршаев Салман Абдулхафизұлы Ақтөбе қаласында өткен «Әдемі әуезді азаншы» жарысында жүлделі орынға ие болды, деп хабарлайды ummet.kz тілшісі.
ІІІ республикалық «Әдемі әуезді азаншы» жарысы бұл жолы «Нұр Ғасыр» мешітінің 10 жылдық мерейтойына орай ұйымдастырылды.
Қазақстанның түкпір-түкпірінен қатысушылар келген жарыста «Нұр Астана» мешітінің азаншысы Хадиршаев Салман Абдулхафизұлы ІІ жүлделі орынды иеленді. Елорда мерейін асқақтатқан азаматқа арнайы кубок және Умра қажылығына жолдама берілді.
«Нұр Астана» орталық мешітінің Бас имамы Әбітайұлы Асқар және мешіт ұжымы Абдулхафизұлы Салманды мерейлі жеңісімен құттықтайды.
«Нұр Астана» орталық мешітінің баспасөз қызметі
Бөлісу:
