05 маусым. АСТАНА. Ummet.kz – «Нұр Астана» орталық мешітінің Сауат ашу бөлімінде «Рамазан – Құран айы» атты шәкірттер арасында Құран сайысы өтті, деп хабарлайды ummet.kz тілшісі.
Сайысқа әртүрлі жас аралығындағы 192 шәкірт қатысты. Солардың арасынан іріктеу барысында «30-пара» аталымы бойынша 7 шәкірт, «Дұха» сүресінен төмен» аталымы 19 шәкірт, «Фил» сүресінен төмен» аталымы бойынша 10 шәкірт іріктеліп шықты.
Жарысқа ҚМДБ-ның Астана қаласы бойынша өкілі, «Нұр Астана» орталық мешітінің Бас имамы Мұқанов Асқар арнайы қатысып, шәкірттерге Құран Кәрім жайлы ұстаздық тәлімін айтты. Шәкірттер арасындағы сайысқа «Нұр Астана» орталық мешітінің наиб имамы Ербол Абдуахитұлы, Сауат ашу бөлімінің директоры Руслан Миятбекұлы және «Астана» медресесінің ұстазы Абдумұнғим Ибраһим төрелік етті. Нәтижесінде жүзден жүйрік шыққан шәкірттер қаржылай сыйлықпен марапатталды.
«Фил» сүресінен төмен:
І-орын: Айдос Иманбаев;
ІІ-орын Ерасыл Серікболұлы;
ІІІ-орын Алмас Сабырұлы.
«Дұха» сүресінен төмен:
І-орын: Ансар Рақымхан;
ІІ-орын: Кеңтай Әбілтайұлы;
ІІІ-орын: Нұрлан Шайхин.
30-пара бойынша:
І-орын: Азамат Бақытбекұлы;
ІІ-орын: Еркін Әлиахметов;
ІІІ-орын: Бертан Мәкен
«Нұр Астана» орталық мешітінің баспасөз қызметі
