6 желтоқсан. Нұр-Сұлтан. Ummet.kz – Қасиетті жұма күнінде «Нұр Астана» мешітінің ұжымы көп балалы отбасылар мен мүгедек жандарды қуантты, деп хабарлайды ummet.kz тілшісі.
Мешіт жұмысының негізгі бағыттарының бірі – қайырымдылыққа атсалысатын жүрегі жомарт жандар көп-ақ. Бүгін де сондай қолы ашық демеушілердің арқасында 30 мұқтаж отбасының көңіліне қуаныш ұялады.
Мешітімізде бұған дейін де ұйымдастырылып жүрген «Қайырымды шаңырақ» атты акцияның жалғасы ретінде бүгінгі өткен шарада «Нұр Астана» мешітінің Бас имамы Нұрлан Рамазанов жиналған қауымды Мәуліт айы мерекесімен құттықтап, отбасы мен жақындарына жылы лебізін білдірді. Сонан соң ішінде көпбалалы және мүгедек жандар қамтылған мұқтаж отбасыларға көлемді азық-түлік пен қаржылай көмек көрсетілді.
