11 қаңтар. АСТНА. Ummet.kz – Қайырымдылық жасау, көмек қолын созу – Ислам дінінде дәріптелетін мұсылмандардың асыл қасиеттері. Осыған орай, мешітімізде мүмкіндігі шектеулі сәбиге қаржылай көмек көрсетілді, деп хабарлайды ummet.kz тілшісі.
Қасиетті Құран аяттарында Алла ризалығы үшін жасалған садақаға жедел әрі өте көп сауап берілетіндігі айтылады. Әрине, бүгінде қоғамда қайырымдылық шараларын ұйымдастыру халқымыздың кейбір әлеуметтік мәселелерін шешуге оң әсерін тигізетіні белгілі.
Астана қаласындағы «Нұр Астана» мешітінде демеушілердің қол ұшын созуымен мүмкіндігі шектеулі баланың анасына қаржылай көмек көрсетілді.
Қоғамда әрдайым көмек көрсетуге ниетті қамқор азаматтар барда арамыздағы мұқтаж кісілердің жүздеріне күлкі үйірілтетін іс-шаралар тоқтамайды деп үміттенеміз.
