30 қараша. АСТАНА. Ummet.kz – ҚР Президенті Әкімшілігінің сектор меңгерушісі Ғалым Шойкин діни қызметкерлермен кездесті, деп хабарлайды ummet.kz тілшісі.
Астана қаласындағы Имамдарды кәсіби қайта даярлау және біліктілігін арттыру республикалық орталығында діни кадрлардың біліктілігін арттыру курсы аясында Ғалым Нұрмағанбетұлы имамдарға зайырлы мемлекет пен теріс ағымдармен жұмыс жөнінде семинар жүргізді. Семинар барысында Қазақстан мұсылмандары діни басқармасының 8 өкілдігінен жиналған дін қызметкерлерімен еліміздегі діни ахуал барысы, дін саласына қатысты мемлекеттік саясат жайы да талқыланды.
Сондай-ақ, семинарға «Нұр Астана» мешітінің Бас имамы, Имамдарды кәсіби қайта даярлау және біліктілігін арттыру республикалық орталығының директоры Асқар Мұқанов қатысты.
Айта кетейік, имамдардың біліктілігін арттыруға және тәжірибе алмасуға арналған қысқа мерзімді курс әлі де жалғасуда.
