«Нұр Астана» мешітінің қызметкерлері сенбілікке шықты

Ислам – тазалық діні. Мұсылман баласының жан-дүниесі мен тәнін таза ұстағаны секілді өзі тұратын жерді де ұқыпты ұстауы парыз. Пайғамбарымыз да (оған Алланың игілігі мен сәлемі болсын) өзінің үйін, аяғы басқан әр жерді таза ұстады және үмметіне тазалықты ұстануды өсиет етті.  Бүгінгі шара осыны айғақтайды.

Бас имам Нұрлан Рамазановтың бастамасымен мешіт ұжымы құлшылық үйінің маңына сенбілік шарасын жүргізді. Дәл қазіргі пандемия жағдайында жеке гигиеналық тазалықпен қатар көшеміздің, жұмыс орнымыздың да тазалығына мән беруіміз керек. Осы мақсатта сенбілікке шыққан мешіт ұжымы ауызбіршілікпен, бір атаның балаларындай «жұмыла көтерсе, жүк жеңіл болатынын» игі іспен көрсете білді.

ummet.kz