Һижри 12 жылы муртадтардың көзі жойылғанан соң мұсылмандар мемлекеті кеңею дәуірі басталды.
Жалпы, ӘбуБәкрдің р.л.ғ. халифалық дәуіріндегі әскери жетістіктерді екі кезеңге бөлсе болады:
1. Мұсылмандар Иракты иеленуі;
2. Шамды иеленуі.
Иракты иелену ісінде сайфуллаһ (Алланың семсері) болған Халид ибн Уалидтың р.л.ғ. септігі мол болды.
Халид ибн Уалид р.л.ғ. – мұсылман тарихындағы атақты әскери қолбасшы. Халид ибн Уалид р.л.ғ. бірде-бір шайқаста жеңілмегені белгілі.
Халид ибн Уалидтің р.л.ғ. әскери жетістіктері Әл-Әбуллә шаһарын иеленуден басталды.
Әл-Әбуллә – Ирактың оңтүстік-батысындағы Басраның маңындағы қала. Содан бұрын Әл-Әбуллә 600 жыл бойы парсылардың билігінде болатын.
Халид Ибн Уалидтің р.л.ғ. Ирактағы жетістіктері Фирадтың маңында византиялықтар мен парсылар әскерін талқандаумен тәмамдалды.
Фирад – Шам, Ирак және Әл-Жәзира араларындағы шекаралық шаһар.
Һижри 12 жылы мұсылмандар Шамды иеленді. Сол жылы Ражәб айында Әбу Бәкр р.л.ғ. Шамға төрт топ әскерді жөнелткен болатын:
1. Дамаскіге - әскери болбасшысы Язид ибн Әби Суфйан р.л.ғ.;
2. Урдунға - әскери болбасшысы Шурахбил ибн Хасан р.л.ғ.;
3. Хамсаға - әскери болбасшысы Әбу Убайда ибн Әл-Жәррах р.л.ғ.;
4. Палестинаға - әскери болбасшысы Ғамр ибн Әл-Ғас р.л.ғ.;
Абдуссамад Махат
«Нұр Астана» орталық мешітінің наиб имамы
