«Жақсылық жаршысы – Мұхаммед» атты мешіт шәкірттері арасында зияткерлік сира сайысы өткізілді. Қасиетті Мәуліт айында Алла Елшісінің (с.ғ.с) өмірімен кеңінен танысу мақсатында өткізілген сайысқа «Мүбарак», «Үммет», «Аңсар» атты үш топ қатысты.
Пайғамбарымыздың (с.ғ.с) өнегелі өмір тарихын қамтитын білім сайысы «Адамзаттың асыл тәжі – Мұхаммед» кітабының негізінде ұйымдастырылып, «Таныстыру», «Кім алғыр?», «Тапқыр болсаң, озып көр» және «Дін жаю жолындағы шайқастар» атауымен төрт кезеңді қамтыды.
Шәкірттердің білімін бағалау барысында шәкірттерге «Әзірет сұлтан» мешітінің ұстазы Күлсара Бекетқызы, «Әбу Насыр әл-Фараби» мешітінің ұстазы Қадыл Айгерім, «Әбу Насыр әл-Фараби» мешітінің қызметкері Айгүл Сауранқызы қазылық етті.
Сайыс қорытындысы бойынша: «Аңсар» тобы І орын, «Үммет» тобы ІІ орын, «Мүбарак» тобы ІІІ орын иеленді. Жарысқа қатысушы жеңімпаз атанған шәкірттерге «Жібек» клубының атынан сый-сияпат және кітап дүкеніне арнайы сертификат табысталды.
ummet.kz
