28 сәуір. Нұр-Сұлтан. Ummet.kz – «Нұр Астана» мешіті Рамазан айының құрметіне «Рамазан шуағы» ауызашар тарату және «Жүрек жылуы» азық-түлік тарату шараларын қарқынды жүргізуде, деп хабарлайды ummet.kz тілшісі.
Қазақстан мұсылмандары діни басқармасының негізгі жұмыс бағыттарының бірі – қайырымдылық. Осыған орай, елорданың төрінде орналасқан «Нұр Астана» мешіті де жыл, он екі ай әр түрлі бағытта қайырымдылық шараларын жалғастырып келеді.
Айталық, елімізде төтенше жағдай басталғалы «Нұр-Астана» мешіті имамдары ақысыз демалысқа шыққандарға, көпбалалы отбасыларға, жалпы көмекке мұқтаж жандарға «Жүрек жылуы» азық-түлік тарату акциясы аясында көмек көрсетуде.
Сондай-ақ, мешіт ұжымы Рамазан айының алғашқы күнінен бастау алған «Рамазан шуағы» ауызашар тарату қайырымдылық акциясын ай бойы жалғастырады.
Алдағы уақытта жүзеге асатын игі істерге мұрындық болып, атсалысқысы келетін азаматтар +7 775 562 2044 нөмірі арқылы байланысуына болады.
