«Әбу Насыр әл-Фараби» мешітінде «Мейірімділік мекені» дәстүрлі қайырымдылық шарасы өтті.
Ай сайын желісі үзілмей жалғасып келе жатқан бұл шара аясында мұқтаж отбасыларға бір айлық азық-түлік қоры үлестірілді. Елордамыздағы көп балалы және асыраушысынан айырылған, тұрмысы төмен мұқтаж жандарды қамтыған қайырымдылық шарасының шарапаты бұл жолы 20 жанұяға арналды.
Шара барысында «Әбу Насыр әл-Фараби» мешітінің наиб имамы Әділхан Оразов бастаған мешіт қызметкерлері жамағатпен жүздесіп, рухани қолдау танытты. Мешіт ұжымының ұйытқы болуымен тұрақты түрде ұйымдастырылып жүрген ізгі шараның өтуіне «Сауап» белсенділер тобы әдеттегідей атсалысты. Әрдайым жақсылық жасауда үлгі болып жүретін мешіт ұжымына келген отбасылар алғыстарын айтып, ризашылықтарын білдірді.
ummet.kz
