Бірде Пайғамбарымыз (с.ғ.с) Сафияның жылап отырғанында үстінен түседі.
– Неге жылап отырсың? - деп сұрағанда ол:
– Хафса маған «Сен – яһудидің қызысың» деп айтты - деп жауап береді. Пайғамбарымыз (с.ғ.с) оған:
– Сен – Пайғамбардың қызысың (ұрпағысың), сен – Пайғамбардың әйелісің! Ол неменеге жетісіп олай дейді! - дейді де, Хафсаға қарата:
– Алладан қорық, Хафса! - дейді.
Адамның тегін кемсітіп, менсінбей тіл тигізу жанға ауыр батады. Бұл нәрсе көбіне әйелдер арасында болып жатады. Сол үшінде «Он күнәнің тоғызы – тілден» деген тәмсіл айтылып жүреді. Ешқашан ешкімнің көңіліне келетін сөз айтпа! Бұл – көңілшек бол, әркімнің көңіліне қара деген сөзім емес. Керісінше, адамдардың көңіл айнасын сындырудан сақтан дегенім!
Хадисте, тәмсілде «Адамның көңілі – Алланың назары түскен жер» деп сипатталады. Олай болса, Алланың назары түскен жерге килікпе!
материал Аслан Орақбаевтың «Компас» кітабынан алынды,
ummet.kz
