27 шілде. АСТАНА. Ummet.kz – Батыс Жапониядағы Тойота стадионында халық назарына жылжымалы мешіттің алғашқы үлгісі ұсынылды, деп хабарлайды ummet.kz тілшісі.
2020 жылы Жапонияда өтетін Олимпиадаға дайындық аясында ұсынылған жоба әлі де жетілдірілу үстінде. Идеяның жүзеге асырылуына 900 000 АҚШ доллары жұмсалған. Дегенмен ұйымдастырушылар алдағы уақытта шығынның азаятынына сенімді. Жылжымалы мешіттің сыйымдылығы 50 кісі болмақ. Құбыланың бағытын дұрыс анықтау үшін мобильді мешіттің ішінде арнайы компас орнатылады.
«Жылжымалы мешіттер» ұйымдастырушылардың айтуынша Олимпиада қалашығында орналастырылады. Бұл мұсылман елдерден келген қонақтардың өз елінде жүргендей еркін сезінуіне мүмкіндік береді дейді Олимпиадаға жауапты комитет.
Бөлісу:
