17 наурыз. АСТАНА. Ummet.kz Бүгін «Нұр Астана» орталық мешітінде ақшам намазынан кейін әзірет Сұлтан мешітінің наиб имамы Бақытжан Өткелбаев «Исламдағы отбасы» тақырыбына уағыз жасады.
Уағыз барысында Исламдағы отбасы құндылықтары мен ерлі-зайыптылардың өзара қарым-қатынасы, бала тәрбиесінде ата-ананың бірлесе атсалысуы керектігі жайында сөз қозғалды. Айта кетейік, биылғы жылды ҚМДБ төрағасы, Бас мүфти Серікбай қажы Ораз «Ислам және отбасы» жылы деп бекіткен болатын. Соған орай қаланың барлық мешіттерінде Исламдағы отбасы құндылықтары жайында үгіт-насихат жұмыстарын жүргізу тапсырылған еді.
«Нұр Астана» орталық мешітінің баспасөз қызметі
Бөлісу:
