Бүгін «Әбу Насыр әл-Фараби» мешітінде Ораза айт мейрамы ерекше тойланды.
Ораза айт намазынан кейін жамағатқа ыстық бауырсақ пен ыстық шай тарту еткен мешіт ұжымы ата-әжелерге де арнап тағы бір мереке ұйымдастырды.
Дін мен дәстүрді ұштастыра білген мешіт ұжымы қазақы киіз үйде ұлттық тағамдардан ақ дастархан жайып, мерекелік шараның сәнін келтіріп, халықтың қуанышын бөлісті.
Мешіттің наиб имамы Мамлюк Мұсаев ақсақалдар мен ақ жаулықты аналарға Ораза айт мейрамының қадір-қасиеті, діндегі орны жайлы жылы насихат айтты. Ата-әжелеріміз қазақы дастарханнан қымыз ішіп, арқа-жарқа болып, нағыз Ораза айттың қалай тойланатынына куә болды.
ummet.kz
Бөлісу:
