Ирландия мешітінің имамы БАҚ өкілдерінен террористердің зұлымдық әрекеттерін исламға теңестірмеуге шақырды, деп хабарлайды Irish Times.
Ирландия ислам мәдени орталығының басшысы, доктор Әли Селиманың айтуынша, зорлық-зомбылық актілерін жасаушы адам кәдуілгі қылмыскер ретінде бағалануы тиіс, ал заңды құрметтейтін мұсылмандарды бұл қылмыстық әрекеттерге күдікті санау – ақылға сыймайтын тірлік.
«Жауыздықтың аты – жауыздық. Алайда, біз оны жасаған қылмыскерлерді мұсылмандарға телімеуіміз керек» дейді доктор Селим.
«Бүгінгі БАҚ осындай қылмыс жайында жазғанда, оны ислам мен мұсылмандарға теңестіргені үшін жауапкершілік алуы керек. Сіздердің айтқан-жазғандарыңыз БАҚ арқылы көпшіліктің ойын түбегейлі өзгертеді» деген доктор журналистерге ақпараттың ақ-қарасын ажырату керектігін атап өтті.
ummet.kz-ақпарат
