Америкалық бағдарламашы Томас Андерсон мұсылман қауымының қасиетті кітабы соғысқа шақырады деген батыс елдерінің уәжін арнайы бағдарлама арқылы тексеріп көрді.
Ол осы мақсатта өзі ойлап тапқан OdinText контент-сараптау бағдарламасымен бірнеше діннің қасиетті кітаптарына талдау жүргізді.
Сонымен, талдау барысында Құран Кәрім мен Жаңа өсиет (Новый Завет) кітаптарында басқыншылыққа қатысты сөздер көрсеткіші шамалас – 2,1% және 2,8%. Алайда, Ескі өсиет кітабында мұсылман кітабына қарағанда екі есе жоғары екені (5,3%) байқалған.
Томас Андерсон Құран мен Інжіл кітаптарына психологиялық сезімге қатысты 8 сипат бойынша талдау жасады. Нәтижесінде, Інжілде ашу-ызаға толы сөздер көбірек кездескен. Ал Құран кітабында сенім мен үрей, үміт мәселелері ашылған. Сондай-ақ, мейірімділік пен қайырымды болуға шақырған сөздер Құран мәтіндерінде – 6,3%, Жаңа өсиетте – 2,9%, Ескі өсиетте – 0,7% ғана. Дін жаулары туралы Құранда емес (0,7%), керісінше Ескі өсиетте (1,8%) жиі көтерілген.
Осындай сараптамалық талдау жұмыстарын жүргізе келе бағдарламашы Томас Андерсен қасиетті Құран кітабын басқыншылық сипаттарымен Інжілден асып түседі деуге болмайтынын мәлім етті.
ummet.kz-ақпарат
