15 тамыз. Нұр-Сұлтан. Ummet.kz – Бүгін Қазақстан мұсылмандары діни басқармасының бас ғимаратында қала мешіттерінің әйел-қыздар секторының ұстаздарына халал мен харам тағамдық қоспалары туралы семинар өтті, деп хабарлайды ummet.kz тілшісі.
Семинардың шымылдығын Қазақстан мұсылмандары діни басқармасының төраға орынбасары, наиб муфти Бауыржан Есмахан, «Халал даму» ұйымының директоры Елжанов Ануар, Әйел-қыздар секторының меңгерушісі Тілегенова Ақбөпе Қанатқызы ашты.
«Халал даму» ұйымының бас сарапшы-технолог маманы Омарова Айжан семинарға жиналған ұстаз, шәкірттерге халал мен харам тақырыбын ғылыми-ақпараттық таным негізінде түсіндіріп өтті. Қазіргі уақытта ішіп-жеп отырған асымызға мән беріп, сараптаудың маңыздылығы, оның құрамындағы түрлі тағам қоспаларына аса мұқияттылықпен қараудың маңыздылығы жөнінде сөз қозғалды.
Семинар соңы сұрақ-жауапқа ұласты.
