Иә, рамазан айында тарауық намазын оқып бітірген соң, үтір намазы жамағатпен оқылады.
Имам үтірдің үш рәкағатын дауыстап оқып, Құныт дұғасын ішінен оқиды. Алайда рамазаннан тыс басқа айларда үтір намазын жамағатпен оқу – мәкруһ. Өйткені ол бір жағынан нәпіл намазы болып саналады. Нәпіл намазын рамазаннан тыс айларда жамағатпен оқу – мәкруһ[25].
Үтір намазын рамазан айында жеке оқығаннан жамағатпен оқыған абзал. Тек түннің соңғы бөлігінде оқуды жақсы көрсе, онда сол уақытта оқыса да болады. Пайғамбарымыз (оған Алланың салауаты мен сәлемі болсын): «Түнгі намаздарыңның соңғысы үтір болсын»[26], – деген.
Дегенмен бұл жамағат намазын тастап үтір намазын түннің соңғы бөлігінде оқыса абзал болады деген сөз шықпайды[27].
[25] «Фәтху бәби әл-ғиная, 1/343.
[26] Бұхари, №946. Муслим, №751.
[27] «Фәтху бәби әл-ғиная, 1/343.
материал «Рамазан оразасына қатысты пәтуалар» кітабынан алынды,
ummet.kz
