9 сәуір. Нұр-Сұлтан. Ummet.kz – Құран Кәрімнің қарақалпақ тіліндегі тұңғыш аудармасы жарық көріп, оқырманға жол тартты, деп хабарлайды azan.kz сайтына сілтеме жасаған ummet.kz тілшісі.
«Құран Кәрімнің мағыналарының қарақалпақ тіліндегі аудармасы және тәпсірі» атты кітап аудармашы Шамсуддин Бахауддиновтың ыждағатты еңбегінің арқасында «Өзбекстан» баспасынан 8000 данамен басылып шықты.
Айтқандай-ақ, аталмыш кітапта асыл дініміздің негізгі қайнар көзі, Алла Тағаланың сөзі болған Құран Кәрімнің қарақалпақ тіліндегі тұңғыш аудармасы орын алған. Сондай-ақ, онда аудармада қолданылған араб тіліндегі тәпсір кітаптарының тізімі де берілген.
Бөлісу:
