Ұлыбританияда жүргізілген ауқымды сауалнама барысында британ мұсылмандарының 94%-ы ДАИШ террористік ұйымының ислам дінімен еш байланысы жоқтығын, сондай-ақ ұйымның ешқандай да ислам мемлекеті еместігін мәлімдеді.
Жалпы, британ мұсылмандарының барлығы дерлік адам өміріне қауіп төндіру – заңға да, дінге де қайшы екенін жеткізіп, ислам діні адамдарды сенімі, ұлты мен нәсіліне қарай бөліп-жармастан тең әділеттілік орнатып, мейірімділікті насихаттайтынын атап кетті.
Айта кету керек, сауалнама Ұлыбританияда тұратын 150-ге жуық жоғары қызметтегі абыройлы мұсылмандар арасында жүргізілді. Бұл қатарда имамдар, ғалымдар мен заңгерлер, журналистер мен блогерлер бар.
Респонденттердің 97%-ы ислам діні «Жаратушының адамзатқа түсірген соңғы хақ діні әрі Оған тең келетін ешбір жаратушы жоқ, Ол – жалғыз» деген пікірге тоқталды.
ummet.kz-ақпарат
