Елорда мешіттерінің дін қызметкерлері «әл-Ғани» мешітінде бас қосты. Бұл басқосудың өзге кездесуден жөні бөлек.
Қала мешіттерінің бас имамдары бір дастархан басында өзара салиқалы сұхбат құрып, дидарласты.
Кездесу халықтың рухани сұранысына, талап-тілектеріне әрдайым сақадай сай тұратын имамдардың қоғамдық қызметімен қатар, өзара бауырластықтарын нығайтып, достық, татулық қарым-қатынастарды арттыруды мақсат тұтты. Имамдар дастархан үстінде дін саласындағы жұмыс жоспарларын бөлісіп, сондай-ақ жалпы уағыз-насихат жүргізудегі ой-пікірлерін ортаға салды. Ислам дініндегі бауырластық, достық һәм бірлік тақырыбында уағыз айтып, халыққа қалтқысыз қызмет етуге уағдаласты.
«Нұр Астана» орталық
мешітінің баспасөз қызметі
Бөлісу:
