Мұсылман жұртшылығының қасиетті Мәуліт мерекесіне орай Астана мешіттерінде ізгі шаралар ұдайы ұйымдастырылып келеді. «Нұр Астана» орталық мешіті жанынан құрылған «Жібек» қыз-келіншектер клубы және ҚМДБ-ның Жастар ісі бөлімінің әйел-қыздар секторымен бірлесе отырып «Думан» мейманханасында осы бір игі мақсатпен Мәуліт кешін өткізді.
Рухани кештің ашылу салтанатында «Нұр Астана» орталық мешітінің наиб имамы Нұрлан Рамазан Мәуліт мерекесінің мән-маңызы жайында көпшілікке кеңірек баяндап берді. Кеш барысында осынау күннің құрметіне әртүрлі сахналық қойылымдар көрсетілді. Пайғамбарымыздың (с.ғ.с.) өнегелі өмірінен сыр шертетін қысқаметражды фильм де қонақтарға ерекше әсер етіп көздеріне жас үйіртті. 300-ден аса көрермен жиған рухани тәлімі мол кеште адамзаттың абзалы Мұхаммед пайғамбарға сауалат айтылып, жамағат жүрек түкпіріндегі сырлы сағыныштарын басқандай күй кешті. Суреттерді ФОТОГАЛЕРЕЯ бөлімінен көре аласыздар.
«Нұр Астана» орталық
мешітінің баспасөз қызметі
