Қуантсаң, баланы қуант – ақылына сәуле түссін. Сәулелі ақыл – алысқа жетелейді, биіктерді бағындырады.
Ерекше балаларды қуантуға асыққан «Әбу Насыр әл-Фараби» мешітінің бір топ шәкірттері Астана қаласы «Нұрлы жүрек» әлеуметтік қызмет көрсету орталығына барып қайтты. Мешіт шәкірттері «Нұрлы жүрек» әлеуметтік қызмет көрсету орталығында тәрбиеленіп жатқан балалардың жай-күйімен танысты.
Орталықтағы тәрбиеленіп жатқан балаларға қозғалмалы ем, әлеуметтік бейімдеу, әлеуметтік-тұрмыстық бағыт-бағдар беру, әлеуметтік еңбекке үйрету секілді қызметтер көрсетіледі.
Мешіт шәкірттері мейірімділікпен қатар әртүрлі санаттағы ерекше балаларға азық-түлік себептері мен жеміс-жидектер, түрлі тәттілер табыстады.
Кішкентай бүлдіршіндерге қамқорлық танытып, оларға қуаныш сыйлау – Пайғамбарымыздан (с.ғ.с) қалған ізгі өсиет. Алла Елшісінің (с.ғ.с) өсиетіне амал еткен мешіт шәкірттеріне орталық ұжымы зор алғыстарын білдірді.
ummet.kz
