Өткен ауылшаруашылық маусымында Тунис елі құрма экспорттауда рекордтық көрсеткішке жетті. Тамыз айында жүргізілген есеп бойынша 104 500 тонна көлемінде құрма экспортталған. Бұл осыған дейінгі маусымдағы көрсеткіштен 8,9 тоннаға артық.
Тунистен шығарылатын құрманың 20%-ы Құрама штат, Канада мен Бразилия елдеріне жөнелтіледі. Тунис әлемнің 81 еліне жоғары сапалы құрма экспорттайды.
Тунис Ауылшаруашылығы министрлігінің деректеріне сәйкес, биыл ауылшаруашылығы өнімін экспорттаудан кемінде 465 миллион динар (233 млн $) табыс түскен. Министрлік бір жарым айдан кейін Қазан айында басталатын жаңа маусымда құрма өндірісі көлемі 246 мың тоннаны құрайды деп жоспарлайды.
Айта кетсек, Тунис құрма экспортында баға бойынша әлемде бірінші, көлемі бойынша бесінші орында тұр.
ummet.kz-ақпарат
