Бүгін Нұр-Сұлтан қаласындағы «Нұр-Астана» мешітінде «Мектепке жол - 2021» қайырымдылық шарасы өтті. Шара барысында 220 оқушыға қажетті құрал-жабдықтар толтырылған мектеп сөмкелері таратылды.
Мешіттің бас имамы Нұрлан Рамазановтың бастамасымен болған қайырымдылық шарасы дәстүрлі түрде жыл сайын өтіп келеді. Жаңа оқу жылына дайындық уақытында қаламыздағы аз қамтамасыз етілген және көпбалалы отбасылардан шыққан оқушыларға қолдау көрсеткені үшін, елордалық балғындарға шат-шадыман көңіл-күй сыйлағаны үшін келген ата-аналар мешіт ұжымына зор ризашылықтарын білдірді.
Айта кетейік, карантиндік шектеулерге байланысты 220 оқушының ата-аналары барлығы бірдей емес, мешітке бөлініп шақырылды.
ummet.kz
Бөлісу:
