Қасиетті Құран Кәрімнің «Хаж» сүресінің, 34 аятында құрбан шалуға қатысты Жаратушы Иеміздің жарлығы орын алған.
Сол аят-и кәриманың түпнұсқасында «бәһимәтуль әнъам» сөз тіркесі қолданады[1]. Арабшада «Бәһимә» тіркесі «жануар», «мал» деген мағынаны білдірсе, ондағы «Әнъам» сөзі төрт түрлі малды білдіреді. Олар: түйе, сиыр, қой және ешкі[2]. Бұл дегеніміз, аталмыш малдардан өзге, жылқы, тауық, қаз, үйрек т.б. хайуандар құрбандыққа жарамсыз деген сөз. Мұнда мәзхаб ғұламалары арасында талас жоқ. Сондықтан да, құрбандыққа тауық не қораз шалынбайды.
[1] «Хаж» сүресі, 34 аят: «Біз әрбір үмбет үшін, өздеріне берген жануарлардан «бәһимәтуль анъам» түрінен (түйе, сиыр, қой және ешкіден), Алланың ғана атын атап, құрбан шалуды бекіттік. Өйткені, Құдайларың - бір-ақ Құдай. Сондықтан Соған бой ұсыныңдар! (Мұхаммед!) Ықыластыларды қуандыр».
[2] Тәфсируль Бәғауи: Хаж сүресі. 34 аят.
материал «Заман тудырған сұрақтар» кітабынан алынды,
ummet.kz
