Құрбан малын шаларда мына төмендегі Құран аятын оқып, одан соң «Бисмиллаһи, Аллаһу әкбәр» деп, малды бауыздайды:
Транскрипциясы: «Қул иннә саләәтии, уә нусукии, уә мәхяйя, уә мәмәәтии лилЛәһи раббиль ъАләмиин. Лә шәриикә ләһ. Уә бизәәликә умирту. Уә әнәә әууәлуль муслимиин» .
Мағынасы: «Оқыған намазым, шалған құрбаным, өмірім мен өлімім бүкіл әлемнің Раббысы Алла үшін. Оның серігі жоқ. Осы нәрсеге бұйырылдым. Мен мұсылмандардың алғашқысымын». (Әнғам сүресі, 162-163 аяттар).
Ханафи фиқһ кітаптарында орын алған бір риуаятта былай делінген: "Алла елшісі құрбанын шаларда: "Аллаһумм! Һәзә минкә. Уә иләйкә саляти, уә нусукии, уә мәхяйя, уә мәмәәтии лилЛәһи раббиль ъАләмиин. Лә шәриикә ләһ. Уә бизәәликә умирту. Уә әнәә әууәлуль муслимиин. Бисмилләһи, Аллаһу әкбар" дейтін де, малды бауыздайтын". (Имам Сәрәхси: әл-Мәбсут).
Ескерту: құрбандық шаларда болсын, мейлі жәй күндері болсын, малды бауыздайтын кісі «бисмилланы» тілге алуы шарт.
материал «Заман тудырған сұрақтар» кітабынан алынды,
ummet.kz
