Айлардың сұлтаны болған қасиетті Рамазан айының қарсаңында «Әбу Насыр әл-Фараби» мешітінде кезекті қайырымдылық шарасы өтті.
Әлеуметтік жағдайы төмен және көп балалы отбасыларға, сондай-ақ мүмкіндігі шектеулі жандарға азық-түлік себеттерін тарту ету әдеттегідей «Сауап» белсенділер тобының атсалысуымен жүзеге асты. Ай сайын, апта сайын қала тұрғындарына қуаныш сыйлап келе жатқан «Сауап» белсенділер тобы қасиетті Рамазан айында да сауапты іске себепкер болды.
Рамазан – тек күні бойы тамақтан тыйылу айы емес, көмекке мұқтаж мұсылмандарға қол ұшын созу айы. Жомарт жандардың жылулығын сезінген отбасылар қасиетті айдың қарсаңында назардан тыс қалдырмай, әлеуметтік жағдайларын ескеріп, көмек көрсеткендері үшін мешіт әкімшілігі мен демеуші азаматтарға алғыстарын білдірді.
ummet.kz
