Тақуа кісі болса керек. Шəкірттеріне Фейсбук жайлы қысқа да нұсқа бір сөз айтып үлкен ғибрат қалдырыпты. Сонда ол нендей ғибрат айтты дейсіз ғой. Ол былай... Əлгі тақуа жан Фейсбук жайлы былайша ойын айтып салыпты.
"Біріншіден, фейсбукке кірместен бұрын Құдайдың жолына шақыруды ниет ет.
Екіншіден, фейсбуктен əлденені бөліспестен (поделить, chare) алдын жақсылықты жаюға садақаны жария етуді ниет ет.
Үшіншіден, ұнады (нравится, like) деп баспай тұрып, бір бауырыңның жүрегіне қуаныш əкелуді ниет ет.
Төртіншіден, пікір (комментарий, comment) жазбастан алдын біздің əрбір сөзіміз Құдай Тағалаға аян екенін есіңе ал.
Қысқасы, мына жердегі əрбір қадамыңды Құдай үшін басатын болшы. Сол ісің үшін əлдекімдер ертең саған шапағат ететін болсын"-деп міне əлгі тақуа жан осылайша өз сөзін тəмамдапты.
Сабыр Сансызбайдың әлеуметтік парақшасынан
