Ислам тарихында өнегелі өмірімен есте қалған салиқалы тұлғалар көп. Соның бірі – Ибраһим ибн Адхам (р.а).  Патшалардың ұрпағы болған Ибраһим ибн Адхам (р.а) биліктегі қызметінен бас тартып, өз заманының захид (дүниені тәрк етіп, ақырет пайдасы үшін өмір сүруші) адамы мәртебесіне ие болған еді. «Қажылыққа жеткізетін төрт көлік» пен «Зікір айтудың пайдасы» атты Ибраһим ибн Адхамның (р.а) басынан өткен тағылымды хикаяларды назарларыңызға ұсынамыз.

Қажылық ғибадаты ықыласпен орындалса, күнәлар кешіріліп, жүрек күнә дақтарынан тазаланады. Бір хадисте:

من حج فلم يرفث ولم يفسق رجع من ذنوبه كيوم ولدته أمه

«Кімде-кім әйелімен жақындаспай (жақындасуға себеп болатын барлық нәрседен аулақ болып) және күнә істемей қажылық жасайтын болса анасынан жана туғандай күнәларынан арылып қайтады,»[1]–делінген. Басқа бір хадисте: