3 қыркүйек. Нұр-Сұлтан. Ummet.kz – Қазақстандағы алғашқы Ислам онлайн академиясы екінші лекке тіркеуді бастады, деп хабарлайды ummet.kz тілшісі.
2019 жылы жұмысын бастаған Ислам онлайн академиясында алғашқы лектің студенттері оқуды тәмамдап, білім алып шықты. Тұңғыш түлектерін ұшырған білім ордасы биыл жаңартылған әрі жетілдірілген бағдарламамен екінші лекке қабылдау жүргізіп жатыр.
Ислам Онлайн Академиясының курстарын исламтанушы мамандар, теологтар, медресе түлектері және жалпы діни сауатын тереңдеткісі келетін әрбір адам оқи алады.
Сабақ арнайы платформада, сапалы видеоформатта ұсынылады. Білікті лекторлар оқыған дәрісті өзіңізге ыңғайлы уақытта, қолайлы орында тыңдай аласыз.
Тіркелу қыркүйек айының 14-не дейін жалғасады. Қосымша ақпараттар үшін ioa.kz сайтына өтіңіз.
